№ 22
из 171
Сосед дороже денег
Лоалахо ахчал везаг1а ва
На ингушском
Цхьан къонахчох декхар хьаьрча хиннад. Кхы де х1ама а доацаш, декхар д1адалар духьа ц1енош дохка лаьрх1ад цо. Г1алг1ай 1аьдалаг1а ц1а а лаьтта а дохкача хана хьалхаг1а лоалахочунга хоатташ да: “Эций 1а?” – аьнна. Иштта цу къонахчо а хаьтта хиннад. Х1аьта лоалахочо укханга юхахаьттад:
- Х1ана дохк 1а уж ц1енош?
- Сиха д1адала дезаш декхар доал сох, - аьннад.
- Сенах дохк 1а уж?
- Мах иззал ба укх ц1еной, - аьннад, - бакъда, хьо са дика лоалахо хиларах, сайх доаллача декхара мах мара хьогара бехац аз.
- Мел-д хьа декхар, хьанга доал хьа из?
Иззал да, хьанехкага доал, аьннад къонахчо.
- Кхоана хьаотта, - аьннад лоалахочо.
Шоллаг1ча дийнахьа д1аэттав къонах. Лоалахочо аьннад:
- Цу 1а вийцача сага хьогара доаг1а декхар д1аденнад аз. Декхарах мукъаваьннав хьо. Хьай ц1аг1а парг1атта д1а1е мара везац хьо.
- Хьайна зе даьд 1а! Х1ана дир 1а из?
- Из зе аз ларх1ац. Сона доккха зе зургдар хьо санна вола дика лоалахо сона юхера кхычахьа д1авахача.
Перевод на русский
За неким мужчиной числился срочный долг. Делать было нечего, и он решил продать свой дом. По ингушскому обычаю, если человек продает дом или землю, он должен их прежде всего предложить своему соседу и спросить, купит ли он их. Когда мужчина так и поступил, сосед спросил его:
- Почему ты продаешь свой дом?
- За мною срочный долг, потому и продаю.
- За сколько продаешь?
Мужчина ответил, что цена дома довольно высокая, но своему хорошему соседу он его уступит только за цену долга.
- А каков твой долг и кому ты задолжал? – спросил сосед.
Мужчина ответил на эти вопросы.
- Хорошо, завтра приходи ко мне, - сказал сосед.
Когда на следующий день мужчина явился, сосед сказал ему:
- Я вчера же пошел и уплатил твой долг. Теперь ты от него свободен. Никуда не уходи и живи в своем доме.
- Зачем ты это сделал? Ты понес большой убыток! – воскликнул мужчина.
- Я не считаю это убытком, - сказал сосед и продолжил, - для меня был бы большой убыток, если бы меня покинул такой хороший сосед, как ты.
Источник: И. А. Дахкильгов, «Хьехаме дувцарш» (Поучительные рассказы-притчи), 2000 г. ↗ оригинал