№ 39
из 171
Советы Идриса
Идриса хьехамаш
На ингушском
Адам-пайхамара ворх1алаг1ча т1ехьенах хиннав Идрис-пайхамар. Цунгара д1адоладеннад 1илма. Цо деннад наха сий, эздел, ираз. Цо даьча хьехамех цхьадараш ераш да:
- Барпага (декъий кхухьача х1аманга) ц1аккха сатем хургбац дуне т1а адам мел дах.
- Б1арг ц1аккха бузаргбац, мелла из д1ахьежарах.
- Ц1аккха хадаргбац сага 1илманца бола безам.
- Мелла дукха а листа а делхарах дог1ано ц1аккха лаьтта дузадергдац.
- 1одоаг1ача цхьаккхача хиво форд хьалбузабергбац.
- Цаховча х1амаех хаттараш массе хана хургда.
- Кхуврч ц1аккха дахчах бузаргбац.
- Сий долаш хургва хьо, наьха сий 1а дой.
- Могаш хиларо къел т1ерайоаккх.
- Сатохаро бала т1ерабоаккх.
- Эзделои хозача г1улакхои 1илма сирйрдадоаккх.
- Кердадаккхарца тоалуш да дика мел дола х1ама.
- Дукха ца леро тоаду къамаьл.
- Б1аргий эздел да хьажа ца дезача ца хьажар.
- К1езг-к1езг х1ама яарца сага чам тоалу.
- Шийх доахка г1алаташ ца дувцийтара дикаг1а йола молха я наьха г1алаташ ца дувцар.
- Хьа дешарах пайда бац, хьайгара г1алаташ даларах хьо кхераш веце.
- Хьо ц1аьрмата хуле, хьай нанас даьна баьча вежарашта а гоама хургва хьо.
Перевод на русский
Седьмого потомка пророка Адама звали Идрис. Был он пророком, и от него пошли науки. Он дал людям честь, благородство и счастье. Вот некоторые его советы:
- Носилки для мертвых никогда не будут знать покоя, пока на земле живут люди.
- Как бы долго ни смотрел глаз, он никогда не насытится.
- Неиссякаемо стремление человека к науке.
- Как бы долго и сильно ни лил дождь, он никогда не утолит жажду земли.
- Ни одна река не сможет напоить море.
- Вопросы о непонятом у людей будут всегда.
- Очаг не насытится дровами.
- Если ты почтителен, будешь и сам почитаем.
- Здоровье скрашивает бедность.
- Терпение облегчает горе.
- Науку украшают вежливость и лицеприятие.
- Все хорошее украшается его обновлением.
- Ручь украшает немногословность.
- Достоинство глаз в том, чтобы они не смотрели, куда им не положено.
- Воздержание в пище облагораживает вкус человека.
- Лучший способ скрыть свои недостатки – не говорить о недостатках других.
- Если ты не боишься, что совершишь дурной поступок, нет проку от твоей учености.
- Если ты не щедр, тебя и родные братья любить не будут.
Источник: И. А. Дахкильгов, «Хьехаме дувцарш» (Поучительные рассказы-притчи), 2000 г. ↗ оригинал