№ 41
из 171
Когда распределяли ум
Хьаькъал декъача хана
На ингушском
Цхьа хьакха хиннай хьаькъал декъача шийна хьаькъал эца яха араяьна. Из йодаш б1арга а ейна, фордала чкъаьра хьалъара а хьежа, аьннад:
- Хьайна кхоаче, к1езига-дукха сона а далахь цигара хьаькъал.
Яха д1аэттай хьакха хьаькъал декъача. Йоккха хиннай хьаькъал декъача арг1а. Хьакхийна дагадехад: “Лаьттан букъ сога а хилча, форд чкъаьрага а хилча, сона сенна деза из хьаькъал”. Кхы цига ха ца йоаккхаш, ц1енгахьа йолаеннай хьакха. Из юхайоаг1аш б1аргаейча, хаьттад чкъаро:
- Дерий 1а, хьакха, сона хьаькъал?
- Данзар, даьра. Лаьттан букъ сога а хилча, форд чкъаьрага а хилча, аьнна, дагадеха, вайна сенна деза хьаькъал, аьнна дагадеха, юхайийрза йоаг1а со, - жоп деннад хьакхо.
- Из къамаьл 1а мел дувц дег1ах чакхъювла ц1и хьонеи кач тувса з1ак сонеи эшаргбац вайна, - аьнна, чкъаьра фордала бахаб.
Перевод на русский
Прослышав, что где-то наделяют живые существа умом, свинья отправилась в путь. Выглянувшая из моря рыба попросила и ей принести ума.
Придя на место распределения ума, свинья увидела огромную очередь.
“Если земная твердь принадлежит мне, а морские просторы принадлежат рыбе, зачем нам нужен этот ум”, - решила свинья и отправилась в обратный путь. Рыба спросила ее:
- Ты принесла нам ума?
- Нет, не принесла. Если земная твердь принадлежит мне, а морские просторы принадлежат тебе, зачем нам нужен ум?
- Пока у тебя будут такие представления, всегда найдется огонь, который прожжет тебя, и найдется крючок, который подцепит меня, - укорила рыба и ушла в море.
Источник: И. А. Дахкильгов, «Хьехаме дувцарш» (Поучительные рассказы-притчи), 2000 г. ↗ оригинал