лагӀа

ВорхI лагIа даьккхача Сигалара Лаьтта восс, визза цIув хул.

- ЛагIа даьккхача олл.

Сигала воалаш мо хала хилар Ботийна юхедиса ялх лагIа даккха.

Гемеи Кесареи хьа а лаьца, айме хьалхарча лагIа тIа ваьккхар Бота.

- Ховргда хьона хьалъяьлча, - цхьа-ши лагIа даккхалца накъаяьккхар маьр-дас ший нус.

ЛагIа тIа баккха айбаь ког, юха лаьтта оттабир, лоархIайинзар.

Айме лохерча лагIа таIIа багIача цIувний ирача кийнаш тIа дото гургалгаш бекар наггахьа, «зал-зал», яхаш.

Уж ворхI лагIа доаккхалургдолаш вацар из, шин зIамсаго дехьареи сехьареи хьа а лаьца, айме тIаваьккхавецаре.

Форда йисте цIи сега ваьгIача Воккхача саго фу яьхад: «Лаьттан букъа тIа адамашта юкъе ши лагIа мара дац, лоархIамга диллача; зIамагIийи боккхагIийи: тIехьено да- нана лархIарца, зIам-зIамагIволчо вокх-воккхагIвар лархIарца.

Шоай даьша даьккхача лагIа тIара Iолохдаланзар шо а тахан.