ший(мест.)
свой
Источник: КУР05
Примеры
- Ший бекъа тIехь айбий дIахьо яй!
ПаргIата, ший лоIамах йоагIача говра баргий тата даьлар, тIаккха наькъа така ластача гучаяьлар говра юхь лаьца йоагIа Тоъарха.
Кхоана малх ластале, ший цIера йистте Iохоаелахь йиIиг!
* * * Каразах дIатесса латта ший говр йицъенна водар ЖIургIал ПхьегIа тIара.
Юстараяьнна дIаэттар из, ший гIулакха тIавена ЖIургIал хьатIавар догдоахаш.
Ший барзкъа нийсдаь, тиша машилг эзза, хьоарчаяь, коара араяьлар Тоъарха.
Наьна бехк бац, фухха даь а ший кIоригаш бIаьстангара даха гIерт.
Миско ший юхьмараж лечкъайора.
Ший зIамагIашта юкъе сурхочунга аьрга дош ала йиш яц, эздел кхаба деза.
Ший Iаса юкъметтера шинна кулгаца хьа а лаьца, корта чубелла вагIар цIув.
Пословицы
Гайна декхар ший хийттад.
Давний долг должник начинает считать своим.
1ай буц яьлац, аьхки лоа диллац, - массадолча х1аманна ший ха я.
Зимой трава не растет, летом снег не идет – всему свое время.
Яхь йола пхьу ший даь коа беннабац (дика пхьу юстара а бахе мара лац).
Гордый пес не умирает на своем дворе (хороший пес умер на стороне).
Эггар эсалаг1а вола фусам-да а паччахь ва ший ц1аг1а.
Самый никудышный хозяин – и тот царь в своем доме.
“Эггар хозаг1а дола х1ама да”, - къайгага аьлча, къайго ший к1ориг енай, йоах.
Когда вороне сказали: “Принеси то, что ты считаешь самым красивым”, - она, говорят, принесла своего птенца.
Шийна шин кепигал даь г1улакх ца довзача сага, ший бац ши кепига мах.
Кто не ценит хотя бы и двухкопеечной услуги, сам не стоит двух копеек.
Ший ц1аг1а яа сискал йоцашвар наьхацига дулха дикал-вол къестаеш ваьг1ав.
У себя дома нет чурека, а гостях лучшие куски мяса выбирает.
Ший ц1аг1а – хьаьша, наьха ц1аг1а – юртда.
В своем доме – гость, в чужом доме – старшина (староста села).
Ший ц1аг1а – урядник, наьха ц1аг1а – базарник.
В своем дому – урядник, в чужом доме – “базарник”.
Ший ц1аг1а дика хинна йо1 наьха ц1аг1а а во хила йиш яц.
Хороша в девичестве – хороша и в замужестве.
Ший ц1аг1а воацар ара а вац.
Кто у себя в доме ничтожество, тот и вне дома никто.
Ший ц1аг1а балийна вола саг наха а балийна верз.
Несущий горе своей семье опасен для всех.
Ший х1ама шийна б1аргагуча дика да.
Хорошо, когда своя вещь у тебя на виду.
Ший хьакъаца даь х1ама боча хул.
К сделанному своим трудом человек относится бережнее.
Ший ханнахьа чакх ца баьккха болх чакхбаккханза бисаб.
Незавершенная в срок работа так и осталась незаконченной.
Ший ханнахьа вижар кхаь воча х1амах тиннав; ший ханнахьа г1еттар кхаь дикача х1амах кхийнав.
Вовремя легший спать избежал трех бед; вовремя вставший трижды был вознагражден.
Ший ханнахьа ва ховр – хьаьша ва; ший ханнахьа ваха ховр а ва хьаьша.
Гость тот, кто знает когда приходить в гости и когда уходить.
Ший т1ехье еза, аьнна, кхеллад Далла дуне т1а мел кхелла садола х1ама.
Бог создал этот мир так, что все живое любит своих детенышей.
Ший тух-сискал чам болашаг1а да наьха дулх-хьалт1амал.
Свой хлеб да соль вкуснее чужого мяса с галушками.
Ший наьна сий лорадечо Даьхен сий а лорадергда.
Кто чтит свою мать, тот чтит Родину.
Ший мехка хьежа малх б1айхаг1а ба.
На родине и солнце светит ярче.
Ший мехка доацача эро цогал лаьцадац.
На чужбине гончая лисицу не поймала.
Ший мехка валар тол кхыча мехка вахачул.
Лучше умереть на своей родине, чем жить на чужбине.
Ший метте ца аьнна дош хаза дезача хезадац.
Невпопад сказанное слово пропало бесследно.
Ший къорга чу дахкана а шийх лом хет.
В своей норе и мышь себя львом считает.
Ший къаманца воацар – миска бо да.
Кто не со своим народом – тот горький сирота.
Ший кхуврч наьхачул б1айхаг1а ба.
Свой очаг теплее чужого.
Ший коча юкъе кхы дикаг1авар-ма вац.
В моей рубахе нет никого, лучше меня.
Ший коа на1ар т1а борг1ал а, ж1али а майраг1а хул.
У своего плетня и петух, и собака храбрее.
Ший киса доалла сом дезаг1а да наьха киса доаллача тумал.
Рубль из своего кармана дороже червонца в чужом.
Ший ираз эггар хьалха саго ше лораде деза.
Прежде всего, человек сам должен оберегать свое счастье.
Ший долча хьакъалах тоъам баь саг – тувлавенна саг ва.
Теряет разум тот, кто довольствуется только своим умом.
Ший ды а ший моттиг а ховш хила веза саг.
Человек должен знать и свое место, и свои возможности.
Ший ди шийна хар – доккхаг1а дола хьаькъал да.
Большая наука – знать себе подлинную цену.
Ший дезала да воацачох мехка да хиннавац.
Хозяином страны не станет тот, кто не является хозяином в своем доме.
Ший дег1ах кхийтта саьрг бекъа санна хет.
И прут тебе кажется оглоблей, если им ударили тебя.
Ший дег1а тоам леха саг вай оарцана ма нийсалойла.
Даже в большой опасности нам не нужен человек, пекущийся только о своих удовольствиях.
Ший даьнеи наннеи мут1ахьа дола во1-йиша Даллана дукха дийзад.
Богом любимы и сын, и дочь, если они почитают своих родителей.
Ший даь-наьнаца во хинначун во т1ехье кхийнай.
У того, кто плохо обращался со своими родителями, выросло плохое потомство.
Ший воацачох во1 хиннавац.
Неродной – сыном не станет.
Озвучки
Нет озвучек.
Похожие слова
Сообщить об ошибке в карточке
Если заметили неточность в слове, переводе, примерах или озвучке.